1)

http://www.youtube.com/watch?v=5foUcwRsMMY

黃毓民同林依麗既反應,做法,講野係幾離譜...但係...鬧得好!做得好!516齊投票!

2)

http://hk.news.yahoo.com/article/100514/4/i08z.html

我明白曾特首唔投票可能係身不由己...可能佢自己都好委屈...但係愛香港愛民主既選民,係好歡迎曾特首退下來,做一個無能力係權威既特首,不如日日拎張長者咭去麥當勞買個飽送杯咖啡渡日晨好過啦...

3)

http://hk.apple.nextmedia.com/template/apple/art_main.php?iss_id=20100514&sec_id=4104&subsec_id=12731&art_id=14029098&coln_id=14028922

呢篇稿雖然好長,但好值得睇落去~以一個中立既平常心去睇,就足以令你對民建聯既人作出評價~唔係講民主黨,公民黨,社民連有幾好,而係如果之後成個立法會,政府既人都係同民建聯一樣既話,你同我既生活會點呢?

4)

多謝曾特首唔投票，我地真係唔要你果一票呀!你嘅態度會令更多人去投票呀~其實可能佢係暗瓦底幫公投嘅~只不過佢要做反教材姐，佢唔用鼓勵，用激將法~投票率高嘅話，仲要喺立會動議致謝佢添呀！

5)

有日睇到報紙，雖然佢日日都有訪問人點解轉為支持公投，內容好似自己編出黎但又係事實，但有一句說話又令我諗番起自己做人做事係要點，呢句係「少一票就少一分力量，表咗態，起碼心安理得！」......心安理得！做人做事就係想心安理得！聽日投左一票，第日唔好講我無為民主社會無貢獻一分力；聽日唔去投票，第日後悔只會怨自己；明天選舉得失都係其次，因為自己一個人既力量只有一票，重點係我有去投票；自己一個人既力量就係可以影響身邊既人都一齊去投票，呢ｄ就係團結既力量～

6)

好多人覺得呢班人攪是攪非，唔去投票都係表態既一種方式～啱，但呢度唔係自己公司可以俾上司知道你唔投票既原因，而家呢個政府係選擇性接收意見既，你唔投票佢會覺得你係支持佢，支持中央～呢個時候已經係只有兩派，支持同反對，已經無左中立既灰色地帶～時間過左就無嫁喇，把握聽日，一齊去投票啦～

懶...就係由細到大都無變既事~

無打blog一段日子,就係因為懶~

有好多野都想打嫁,但就因為懶而無打~

2009年,幾開心既一年好快就過左喇~係好充實既一年...因為有唔少既part time丫麻~

2009年發生左好多野...未能回顧,哈哈!

不過仲記得年頭打過一篇blog:2009旅行大計(http://hk.myblog.yahoo.com/unity_eric/article?mid=2987&fid=-1&action=prev)......

2008年去左唔少地方呀,海南島,芬蘭,泰國,澳門都計啦,日本,仲有西班牙,大家唔好羨慕,因為用左我好多錢,負債當中呀~2009年我既旅行大計如下...

3月每年一度要返去training之後,同同事去巴黎玩幾日,慳番一程長途機錢,仲有business class坐~去左!(http://hk.myblog.yahoo.com/unity_eric/article?mid=3038&fid=-1&action=prev)

5月用公司免費既機票,同mommy去歐洲玩,應該係瑞士再加多一個地方~今年可能會去!

6月同朋友去曼谷歎一歎啦,洗歐羅真係好肉赤嫁~去左!(http://hk.myblog.yahoo.com/unity_eric/article?mid=3501)

夏天呢d旅遊旺季梗係留係香港啦,去下沙灘唔好?!都有去!

10月左右就返台灣,表弟當完兵話同我去台南玩,佢想去滑浪~去埋!

同"年"加映係9月同左個日航朋友去左芬蘭+捷克玩(http://hk.myblog.yahoo.com/unity_eric/index?l=f&id=18)

10月仲要去完台灣直接去大阪(參加婚禮同玩)(http://hk.myblog.yahoo.com/unity_eric/index?l=f&id=19)

之後11月開工時去左芬蘭羅凡尼米探聖誕老人(http://hk.myblog.yahoo.com/unity_eric/article?mid=3884)

...呢一年就好似破左產咁~(仲有4月因阿公的離去而到了台灣,這也是2009年最悲痛的事)

返工咁辛苦為咩?其中原因一定係錢...無錢點去旅行?!旅行就可以減壓同增廣見聞~

2010旅行大計如下:

2月同另一個表弟去我既favourite place曼谷~

5月希望同到mom去瑞士~

呢一年其實有好多朋友叫我去旅行...淨係去曼谷都有3group人叫我去...但因為2009年洗得太多喇...今年唔可以plan咁多喇!哈哈!

好難得可以留2晚,就叫左我家姐一齊去芬蘭,上去北極圈走一走~

去北極圈既入門地就係芬蘭既羅凡尼米ROVANIEMI,跟團去過北歐四國既都應該去過~

我地坐一早既機,天都未光就出發喇~都只係坐80分鐘左右既內陸機,就好似搭巴士咁~無劃位既添~

我地既AIRLINE係SANTA CLAUS OFFICIAL AIRLINE,而呢度就係SANTA CLAUS OFFICIAL AIRPORT~

呢度既聖誕老人係正牌嫁!

一日只有幾班機去,而機場巴士就係ARRIVAL之後好快就開出左喇...下一班巴士就係下一班機喇,BYEBYE~

掛住影影影...就係咁就MISS左架巴士喇...好啦,唯有坐的士啦,貴都要搭嫁啦~去個廁所之後,機場外面就變成空無一人.......有既係我地雙腿...應該唔太遠瓜......

每次去好凍既地方都會著呢件北面外套,好似而家無線D節目咁,係呢度再次多謝阿譚贊助我呢件好擋風保暖既外套~(是日負六度,內裡只係著左一件薄既長袖TEE咋~)

如是者就行左45分鐘,經過既車可能都唔過45架~終於就去到聖誕老人村喇!!!

去聖誕老人村就當然係要寄聖誕卡同POSTCARD咁啦~橙色就即時寄既,紅色就聖誕先送出既,我寄左一張咋,睇下邊個好彩啦~

聖誕老人只得一個,就好似麥當勞叔叔一樣~去到係唔可以用自己既相機影相既,有人話全球識得最多語言既係聖誕老人,可能都係真~佢會同每個人都傾下計既,佢知我地香港黎,就講左"你好你好""笑笑笑"~哈哈,原來佢會11月22號坐我地機黎香港,可惜我係21號返啦~唔好睇少呢副相,貴到呢......

唔係旅遊旺季,所以都無咩人~要搵北極圈都唔易,原來自己已經經過左,就係呢幾條柱連成既線~而呢一張相亦係唔簡單,大家見到地上面既LINE,隱約有D字既,係我一手一腳搵番出黎嫁!!!左邊就係ARCTIC CIRCLE喇!!!

號稱全球最北既麥當勞~唔知有無機會去全球最南既麥當勞呢?

聖誕老人既OFFICE就係正ARCTIC CIRCLE之上喇~

去到呢個地方,真係好聖誕呀!!!

而係HELSINKI都有一間CHRISTMAS SOUVENIR SHOP

我並唔係有錢,有錢都唔會係YEN最貴既時候去日本~

今次去日本係有原因,都比我預期早左去~原本係下年三月既...

今次係第一次去大阪,事因有一位大阪同事結婚,係我地TRAINING左2個月,日對夜對既日本同學~大家都幾好朋友,難得佢邀請我地出席,我地都好樂意去一轉日本!

D日本同事會成日講,大阪人同東京人係會有唔同嫁,大阪人會NICE好多,會好主動幫人同遊客~依我所見呢.....都係既~大阪夜晚既心齋橋應該係必去既地方啦~而GLICO呢個燈箱就更加係大阪其中一個標誌,等於巴黎既鐵塔一樣,唔去唔得~

10月18日就係婚禮既日子喇~大家都著得好大體咁出席,地點係京都既一個會場,環境好清幽,影相會好靚~

紅葉既季節開始黎喇,園中都有一兩棵~

佢地影緊即日既和服結婚相,我係側邊偷影佢地,反而個效果更加唔錯~

完左之後我地就係京都既古街遊覽喇~大家著住西裝咁旅遊,感覺...唔會似大陸人既,不過我會覺得我好似旅遊巴司機,哈哈~

係我身後就係京都清水寺既入口,係一個好傳統既日式建築,好似入左D日本卡通片裡面~

10月19日我地係返大阪喇~我地唔同人就分道揚鑣,我同2個同事就去左大阪城,唔黎大阪城,就即係去倫敦無去睇BIG BEN咁~

晏晝就大家約番曬去環球影城喇,大家唔係渴求去玩D咩,而係大家係TRAINING一年多之後,又可以聚返一齊,開開心心咁癲返日~哈哈!相比TRAINING既苦悶日子......

夜晚既PARADE都唔錯,有好多CHARACTER同花車~最奇怪係竟然會有DISNEY既故事人物.....?!

10月21日我就自己係大阪行下SHOPPING~今次我地住係HILTON OSAKA,因為有CREW DISCOUNT先會住~唔係都會住係大家熟識既又細又窄既日本酒店喇...話YEN貴唔會SHOPPING,最後都係忍唔到手...好彩都唔係D咩貴野,相比以前去東京真係爭好遠啦~我仲買左幾個青森縣蘋果返香港,有一個係"富士一"成800YEN一個嫁!

總括呢次大阪之旅,同台灣之旅都一樣,係同平時去既日本旅程唔同~今次係會有朋友帶住行行食食,又係每日都TEA TIME~好多時都唔洗我地去用英文同D日本人講野,因為有佢地幫我地講,方便好多~好多謝佢地~

想睇多D相,請去我既FACEBOOK睇啦:

http://www.facebook.com/photos/?ref=sb#/album.php?aid=120409&id=521541305

http://www.facebook.com/photos/?ref=sb#/album.php?aid=120982&id=521541305

http://www.facebook.com/album.php?aid=120618&id=521541305

http://www.facebook.com/photos.php?id=521541305#/album.php?aid=120584&id=521541305

有無發現點解無我地吃吃喝喝既相呢?!下一篇就會專題報導嫁喇~