Friday, 04 December 2009

  • Chloe一歲生日+ABC Garden童裝開業第一

    唔好誤會,唔係我又有part time定係business~(不過都有少少關係既~由十二月中,我既芬蘭朱古力都會進佔大埔呢間舖頭呀!住大埔既FANS,得閒去幫襯喇!)

    呢度係好朋友GUCCI開左一間賣童裝衫既舖頭~就係大埔中心地下海天堂隔離,住係大埔既朋友得閒去睇睇丫~

    由我送出既花籃~

    間舖叫ABC GARDEN...奇呢碧又一傑作~

    D衫款鞋款都唔錯嫁~

    呢個就係CHLOE喇~呢日係佢既一歲生日,我特登係芬蘭既H&M買左呢套咁野性既套裝俾佢,因為佢阿媽都好中意豹紋~

    著左呢套衫,佢成個人都變得野性左~

    點解會成日戴住頂帽呢,除左得意D之外,係因為除左既話會嚇親人~哈哈~

Thursday, 19 November 2009

  • 羅凡尼米之旅

    好難得可以留2晚,就叫左我家姐一齊去芬蘭,上去北極圈走一走~

    去北極圈既入門地就係芬蘭既羅凡尼米ROVANIEMI,跟團去過北歐四國既都應該去過~

    我地坐一早既機,天都未光就出發喇~都只係坐80分鐘左右既內陸機,就好似搭巴士咁~無劃位既添~

    我地既AIRLINE係SANTA CLAUS OFFICIAL AIRLINE,而呢度就係SANTA CLAUS OFFICIAL AIRPORT~

    呢度既聖誕老人係正牌嫁!

    一日只有幾班機去,而機場巴士就係ARRIVAL之後好快就開出左喇...下一班巴士就係下一班機喇,BYEBYE~

    掛住影影影...就係咁就MISS左架巴士喇...好啦,唯有坐的士啦,貴都要搭嫁啦~去個廁所之後,機場外面就變成空無一人.......有既係我地雙腿...應該唔太遠瓜......

    每次去好凍既地方都會著呢件北面外套,好似而家無線D節目咁,係呢度再次多謝阿譚贊助我呢件好擋風保暖既外套~(是日負六度,內裡只係著左一件薄既長袖TEE咋~)

    如是者就行左45分鐘,經過既車可能都唔過45架~終於就去到聖誕老人村喇!!!

    去聖誕老人村就當然係要寄聖誕卡同POSTCARD咁啦~橙色就即時寄既,紅色就聖誕先送出既,我寄左一張咋,睇下邊個好彩啦~

    聖誕老人只得一個,就好似麥當勞叔叔一樣~去到係唔可以用自己既相機影相既,有人話全球識得最多語言既係聖誕老人,可能都係真~佢會同每個人都傾下計既,佢知我地香港黎,就講左"你好你好""笑笑笑"~哈哈,原來佢會11月22號坐我地機黎香港,可惜我係21號返啦~唔好睇少呢副相,貴到呢......

    唔係旅遊旺季,所以都無咩人~要搵北極圈都唔易,原來自己已經經過左,就係呢幾條柱連成既線~而呢一張相亦係唔簡單,大家見到地上面既LINE,隱約有D字既,係我一手一腳搵番出黎嫁!!!左邊就係ARCTIC CIRCLE喇!!!

    號稱全球最北既麥當勞~唔知有無機會去全球最南既麥當勞呢?

    聖誕老人既OFFICE就係正ARCTIC CIRCLE之上喇~

    去到呢個地方,真係好聖誕呀!!!

    而係HELSINKI都有一間CHRISTMAS SOUVENIR SHOP

Tuesday, 10 November 2009

  • 格仔舖

    突然間,唔知點解會想去租一格格仔舖賣下野......可能係因為GUCCI講過佢都有,就想試下啦,又唔係貴......

    於是就係沙田好運中心既其中一間格仔舖租左一格~個場其實有三間,有兩間個位置係好D,但我就偏偏中意呢間比較偏僻少少既一間,因為個感覺係留到客人多D既一間舖,果2間就行入去好想快D行番出黎既感覺......

    當係係度幫自己賣廣告,又幫間格仔舖賣下廣告啦~話曬我呢個BLOG都上過YAHOO精選人氣BLOG丫~多謝各位支持......(不過都要唔好意思,呢排真係好忙,打唔到BLOG......)

    賣D咩呢......當然就係好多人都幫襯過我,托我買既芬蘭朱古力喇~點解咁HARD SELL芬蘭朱古力呢,無其他原因,就係好食囉!

    有試過既"BLOG友"俾下OPEN COMMENT丫,等大家放心同期待去呢個格仔買下丫...因為裡面我會有賣多D款......

    而家就黎X'MAS,當然就有X'MAS既朱古力啦~詳情睇番我之前果篇啦~

Wednesday, 04 November 2009

  • 日本之旅

    我並唔係有錢,有錢都唔會係YEN最貴既時候去日本~

    今次去日本係有原因,都比我預期早左去~原本係下年三月既...

    今次係第一次去大阪,事因有一位大阪同事結婚,係我地TRAINING左2個月,日對夜對既日本同學~大家都幾好朋友,難得佢邀請我地出席,我地都好樂意去一轉日本!

    D日本同事會成日講,大阪人同東京人係會有唔同嫁,大阪人會NICE好多,會好主動幫人同遊客~依我所見呢.....都係既~大阪夜晚既心齋橋應該係必去既地方啦~而GLICO呢個燈箱就更加係大阪其中一個標誌,等於巴黎既鐵塔一樣,唔去唔得~

    10月18日就係婚禮既日子喇~大家都著得好大體咁出席,地點係京都既一個會場,環境好清幽,影相會好靚~

    紅葉既季節開始黎喇,園中都有一兩棵~

    佢地影緊即日既和服結婚相,我係側邊偷影佢地,反而個效果更加唔錯~

    完左之後我地就係京都既古街遊覽喇~大家著住西裝咁旅遊,感覺...唔會似大陸人既,不過我會覺得我好似旅遊巴司機,哈哈~

    係我身後就係京都清水寺既入口,係一個好傳統既日式建築,好似入左D日本卡通片裡面~

    10月19日我地係返大阪喇~我地唔同人就分道揚鑣,我同2個同事就去左大阪城,唔黎大阪城,就即係去倫敦無去睇BIG BEN咁~

    晏晝就大家約番曬去環球影城喇,大家唔係渴求去玩D咩,而係大家係TRAINING一年多之後,又可以聚返一齊,開開心心咁癲返日~哈哈!相比TRAINING既苦悶日子......

    夜晚既PARADE都唔錯,有好多CHARACTER同花車~最奇怪係竟然會有DISNEY既故事人物.....?!

    10月21日我就自己係大阪行下SHOPPING~今次我地住係HILTON OSAKA,因為有CREW DISCOUNT先會住~唔係都會住係大家熟識既又細又窄既日本酒店喇...話YEN貴唔會SHOPPING,最後都係忍唔到手...好彩都唔係D咩貴野,相比以前去東京真係爭好遠啦~我仲買左幾個青森縣蘋果返香港,有一個係"富士一"成800YEN一個嫁!

    總括呢次大阪之旅,同台灣之旅都一樣,係同平時去既日本旅程唔同~今次係會有朋友帶住行行食食,又係每日都TEA TIME~好多時都唔洗我地去用英文同D日本人講野,因為有佢地幫我地講,方便好多~好多謝佢地~

    想睇多D相,請去我既FACEBOOK睇啦:

    http://www.facebook.com/photos/?ref=sb#/album.php?aid=120409&id=521541305

    http://www.facebook.com/photos/?ref=sb#/album.php?aid=120982&id=521541305

    http://www.facebook.com/album.php?aid=120618&id=521541305

    http://www.facebook.com/photos.php?id=521541305#/album.php?aid=120584&id=521541305

    有無發現點解無我地吃吃喝喝既相呢?!下一篇就會專題報導嫁喇~

Tuesday, 03 November 2009

  • 台灣之旅

    差唔多又係成一個月無打過blog喇~因為實在太忙喇~

    如果我話忙去旅行,實俾人話我串,但呢2個月又真係去旅行都佔左唔少日子~

    另外又要飛,又要返part time...黎緊仲有好多野做~

    不過唔係今個BLOG既主題~今次一睇下面第一張相就知...回顧我既十月之旅第一站_台灣啦!

    台灣對我黎講既熟悉又陌生,因為我係半個台灣人,都知道好多台灣既人同事,住開既地方就尤其熟識~但台灣其實好大,好多好玩同靚既地方都未去過,未認真去睇睇呢個咁有親切感既地方~上面張相係我地幾個朋友同表弟妹一齊整嫁~

    10月11日係第二日,我地一早天未光就坐個幾鐘既巴士去台北,再坐五個鐘既豪華巴士去高雄~去到有表弟既一班朋友帶我地遊下同食飯,去左一個港口地方叫旗津~如果有太陽既話就正好多喇~

    今次既旅程其實係有三推四請先黎既阿MARK,仲有雀友MANDY,一個表弟,兩個表妹,一個表妹男朋友~仲有5位高雄既朋友~

    10月12日我地就又坐兩個鐘既包車去左墾丁喇~我地租左4架電單車去完成我地既墾丁之旅,旅行團係唔會有既經歷~特別方便同好玩呀!

    當然4架電單車都係由4位台灣人去揸啦~坐係後面既我就可以不停影相喇~天氣唔錯,有時有雲,但都會有好正既太陽~邊行邊影,就係自由行先會有既樂趣~

    夜晚係大街買左D煙花玩,寫字就當然係重頭戲啦~寫緊T同I果個就係我喇~

    10月13日早我地再周圍去下,途中見到呢個沙灘勁靚,藍天白雲,水清沙幼~呢2個係2兄妹,亦即係我既表弟妹喇~

    去左台灣既南端燈塔之地鵝鑾鼻~燈塔係對面,呢邊睇唔到~

    去完墾丁就返左去台北果邊既家鄉--金山~10月14日我地就去左台北周圍行下,仲唱左K~之後15號就係金山附近感受下鄉村少少既地方,呢度就係金山附近既海岸~而佢地係兩兄弟,亦即係我2個表弟~

    其實有去到九份,呢度係POST相出黎~之後我地去左野柳,可能係我20年內都無去過既地方,因為可能我好細個既時候去左而我係無印象既~哈哈~後面呢個女王頭其實已經細個左好多,而且之前仲斷過添~夜晚去左浸溫泉,正!

    10月16日,MARK同MANDY就走喇~佢地2個都好中意今次既旅程!雖然我好唔CONFIRM成個旅程既行程,我無帶佢地去D咩地標性既地方OR購物,成個禮拜都好HEA住咁過...但就係大家開心既回憶,享受既旅程啦~

    10月17日就到我走喇,唔係返香港,而係去大阪~

    總括今次既台灣之旅,無咩點同親戚們相聚食飯,但都有逐一打個招呼~而最主要想做既野都已經有做,而且每日都好ENJOY咁過,一日食足五餐,仲肥左5磅(有無攪錯!!!)~身體上同心靈上都滿載而歸~下年再返去啦~

    下一篇就到日本之旅喇!

    想睇多D相,請去我既FACEBOOK睇啦:

    http://www.facebook.com/photos/?ref=sb#/album.php?aid=120395&id=521541305&op=6

    http://www.facebook.com/photos/?ref=sb#/album.php?aid=120400&id=521541305

    http://www.facebook.com/photos/?ref=sb#/album.php?aid=120573&id=521541305

Friday, 25 September 2009

Thursday, 24 September 2009

Saturday, 12 September 2009

  • 旅行+旅行

    又係呢一句,好耐無打過blog喇~哈哈~

    都唔知忙d咩,但就係無咩野想打~

    聽日就去芬蘭+布拉格一個禮拜喇~近呢一年去旅行都無咩好期待既心,可能因為果d地方都係去過既~

    而今次就係未去過既地方,所以要認真咁plan,就會好期待喇~

    而十月就會出發去台灣+大阪~

    本身都無諗住今年去日本,而家有呢個決定,就係因為......

Wednesday, 12 August 2009

  • 支持強制全港學生驗毒

    本人支持強制全港學生驗毒~

    無食毒品既同學唔洗怕~

    唔肯參加或者反對,甚至話要罷課既,一定係身有屎~

    青少年吸毒問題係唔可以再拖~

    驗毒雖然治唔到本~

    但個本係咩呢?好難追究~

    唯有去驗毒,令家長知道,令大家可以為吸毒既學生做D野~

    擔心被驗出有吸毒學生會被標籤?

    呢個社會不嬲都會係咁嫁啦~

    犯錯要受罰,犯法要坐監~有咩問題呢?

    就係要咁先令學生唔會去試,因為實會被人知丫麻~

    講咩學生私隱丫,都係果句,無食既唔會驚~

    有食既,仲有咩私隱可言?

    唔通成年人犯罪都要講私隱,唔將佢繩之於法?

    報紙講左一個校董既講法~

    香港既施制左擔心右顧慮,咩都做唔到~

    有時覺得,成龍講既野不無導理~

    當然唔係要專制~

    但自由得黎都要有規範呀!

    禁煙推行得如火如荼,唔該立埋法未滿18歲都唔可以食煙啦~

    警察見到D"小朋友"食煙都無可奈何~

    無論係曾特首,定係你去做特首~

    咁中意為"反對"而"反對",又中意呢樣投訴,果樣抗議既香港人~

    邊個可以治得住?

Sunday, 02 August 2009

  • 報紙~

    每日都有睇下報紙既習慣,不過多數都係睇下個heading,有興趣先會睇內文~

    近日就有唔同既報導講關於食物既,好似龜苓膏同冬蟲草既新聞~

    無錯,報章將呢d資訊帶左俾我地市民,等我地揀清楚~

    但另一方面,報導翌日就會有好幾"大"版既廣告,包括要澄清啦,要標榜啦等等既廣告~

    所以最大得益既始終都係報社~

    而果D"o靚模"就更把鬼,其實又有幾多人會睇?會睇既都會去左買佢地既寫真集啦~

    "o靚模"就"o靚仔"睇既,睇報紙既人又唔會係"o靚仔"WOR,真係唔想睇一份垃圾囉~

    我相信"o靚模"呢個TREND將於不久會被淘汰~

    無錯,佢地唔係去偷去搶~但亦唔值得大肆去幫佢地宣傳囉~

  • Visit unityeric's Xanga Site
    • Name: Eric
    • Gender: Male
    • Member Since: 4/29/2008

Don't worry - your calendar is here… to see it in action just click "Save" above and refresh the page.